Altjóða oyggjaleikanevndin vitjar Føroyar

Altjóða oyggjaleikanevndin vitjar Føroyar
Fyrsta stóra stigið í oyggjaleikafyrireikingunum í Føroyum verður tikið í hesi vikuni, tá ið altjóða oyggjaleikanevndin kemur á vitjan
Jörgen Pettersson er formaður í altjóða oyggjaleikanevndini, IIGA
Mynd: Sophie Rabey / guernseypress  
 
16.04.2024 - 10:15

Føroyar skulu nú gerast klárar til at hýsa Oyggjaleikunum 2027. Sum liður í hesum er IIGA, sum er altjóða oyggjaleikanevndin, í Føroyum í nakrar dagar fyri at síggja oyggjalandið, sum verður oyggjaleikavertur summarið 2027, skrivar Ítróttasamband Føroya.

Talan er um eina arbeiðsferð, har nevndin fer at vitja flestu ítróttahallir, vøllir og breytir, sum metast kunnu at verða tikin í nýtslu, meðan Oyggjaleikir eru í Føroyum, eins og tey eisini fara at heilsa upp á umboð fyri lands- og kommunalmyndugleikar, ítróttagreinar og ÍSF.

Endamálið er at vísa nevndini ítróttaligu hentleikarnar - umframt at vísa á teir hentleikar, sum annaðhvørt skulu umvælast ella eru í gerð.

Nevndin fer eisini millum annað at heilsa upp á Føroya løgmann Aksel V. Johannesen, sum eisini er verji fyri ítróttinum, Sirið Stenberg, landsstýriskvinnu í mentamálum, sum umsitur ítrótt, borgarstjórarnar í Havn, Runavík og Klaksvík og aðrar myndugleikar við.

Ítróttasamband Føroya er vertur hesar dagarnar, meðan IIGA er í Føroyum. Ferðalagið fer av landinum aftur mánadagin 22. apríl.

Oyggjaleikir eru størsta tiltakið í Føroyum nakrantíð, og teir verða í døgunum 3.-9. juli 2027.

Er kopiera
Nýggjastu sendingar í ÚV
Leygardag 18. mai
Morgunlestur leygardagur 18. mai 2024
174858
Fríggjadag 17. mai
Vikuskiftið 17 mei 2024
175271
Fríggjadag 17. mai
RagnarRokk: Brian Zimmerman um Asylum
175241
Fríggjadag 17. mai
Breddin: Vakmyndatól í amenna rúminum
175238
Nýggjastu sendingar í SV
Leygardag 18. mai
Dagur og vika - teknmálstulkað
175283
Fríggjadag 17. mai
Veðrið
175269
Fríggjadag 17. mai
Flaggsigling 2019 (2:2) - teknmálstulkað
175216